ဂစ်တာအမြန်တီးချင်တယ် ဆိုရင် ......

" ကျွန်တော် လက်မြန်အောင် ဘယ်လိုလေ့ကျင့်ရမလဲ " ဆိုတဲ့ မေးခွန်းက ဂစ်တာသင်တန်းတိုင်းမှာ တစ်လကို အကြိမ်၃၀ထက်မနည်း ကြားရတဲ့ မေးခွန်းပါ ။ ဂစ်တာသမားတိုင်း မမေးဖူးသူ မရှိလောက်ဘူး ထင်ပါရဲ့ ။ တူရိယာသမားတိုင်းကို စိန်ခေါ်တဲ့အရာတွေမှာ speedက ထိပ်ဆုံးက ပါဝင်သလို ... အားလုံးကလည်း လိုချင်တပ်မက်ကြတယ် ။ ဒါပေမယ့် ... ကျွန်တော်တို့ သတိမမူမိတဲ့  speedရဲ့ တခြားတဖက်ကို ကြည့်လိုက်တဲ့အခါလည်း ...  စွဲမက်ရင်ခုန်ဖွယ်ကောင်းတဲ့ သီချင်းတစ်ပုဒ် ၊ solo တစ်ပုဒ်ကို speed မပါဝင်ဘဲ ...  ဖန်တီး ၊ တီးခတ်ဖို့ ...   ရိုးရှင်းလှပတဲ့ (သို့) ရှုပ်ထွေးနက်နဲတဲ့ ... ဟာမိုနီအသံတွဲတွေ ၊ ကော့ဒ် နဲ့ arpeggios တွေ ၊ စည်းတန်ဖိုး နုတ်တန်ဖိုးတွေ ၊ တခြားသော တက်ကနစ်များဖြင့်လည်း တီးခတ် ဖန်တီးလည်း ရတာပဲ ။ ဆိုလိုချင်တာတော့ Good music နဲ့  Fast music ဆိုတာ တစ်ခုတည်း မဟုတ်ဘူး ။ ဒါကိုလည်း ကျွန်တော်တို့ သဘောပေါက်ထားဖို့ လိုတယ် ။ ခင်ဗျားက speed သိပ်ကောင်းတဲ့ ဂစ်တာသမား ဆိုရင်တော့ ... သီချင်းတွေကို ပိုပြီး ကျယ်ပြန့်လွယ်ကူစွာနဲ့ ဖန်တီးလုပ်ဆောင်နိုင်မယ်ဆိုတာ ယေဘုယျအားဖြင့် ငြင်းချက်မရှိပါဘူး ။ ဒါပေမယ့် ... အများစုရဲ့ မေးခွန်းကတော့ ... " ကျွန်တော် လက်မြန်အောင် ဘယ်လိုလေ့ကျင့်ရမလဲ "

ရောက်တတ်ရာရာ ဂစ်တာလေ့ကျင့်ခန်းစာအုပ်

(ဂစ်တာသမားတစ်ယောက်ရဲ့ လေ့ကျင့်ခဲ့တဲ့ အတွေ့အကြုံလေးတွေ ဖြတ်သန်းမှုတွေကို မျှဝေချင် ရေးချင်တာ ကြာပြီ ။ ဒါပေမယ့် 'ခေတ်' ဆိုတာ လူငယ်အားလုံး ရင်ခုန်ခဲ့တာလေ ... ကိုယ်တစ်ယောက်တည်း သက်ဆိုင်တာမှ မဟုတ်တာ ။ အဲဒါကြောင့် ... "မင်းလိုလူစားအများကြီး ငါလိုလူစား အရှားသား" ပြောတယ်လို့ မထင်စေလို ။ ဟိုကြားဒီကြားက ရှိစုမဲ့စု သတ္တိတွေ ဖျစ်ညှစ်ထုတ်ပြီး ကိုယ့်ပေါင်ကိုယ်လှန်ထောင်းတာ ... အကျိုးမယုတ်တန်ကောင်းပါရဲ့ဗျာ .... နော့် .....)

ယနေ့ဂစ်တာ ဆိုသည်မှာ ...

၂ဝဝ၄ ခုနှစ် ဇွန်လ (၁၄) ရက်နေ့ညချမ်းအချိန်တွင် ကမ်းနားဟိုတယ်၌ ‘ဂါအဲရှိရှ်’ (Gaëlle Chiche) နှင့် ‘ဖရန်စစ်စကိုဘဲနီရေး’ (Francisco Bernier) ဟူသော ဂစ်တာပညာရှင်ဇနီးမောင်နှံ (၂)ဦးဖြင့်ဖွဲ့စည်းထားသော ဒူယိုအက်စတော (Duo Astor) အဖွဲ့မှ ဂန္ထဝင်ဂစ်တာ တေးဂီတ ဖျော်ဖြေတင်ဆက်ပွဲတစ်ခု ကျင်းပသွားခဲ့ပါသည်။ စပိန်ဂစ်တာပညာရှင်ကြီးများဖြစ်ကြသော ‘ဖါနန်ဒိုဆော’ (Fernando Sor) ၏လက်ရာ ‘ဖန်တရှား အိုပတ်(စ) ၅၄’ (Fantaisie Opus 54) တေးစုကို အဖွင့်ပိုင်းတွင် လက်ရာမြောက်စွာ တင်ဆက်သွားပြီး၊ ဖျော်ဖြေပွဲအစီအစဉ်အပြီးတွင် အထူးလက်ဆောင်အဖြစ် ‘ဖရန်စစ်စကိုတာရီဂါ’ (Francisco Tárrega) ၏ လက်ရာမွန် ‘ရီကာဒိုစ်ဒီလာ အယ်လ်ဟမ်ဘရာ’ (Recuerdos de la Alhambra) ကို တီးခတ်ဖျော်ဖြေ သွားခဲ့ရာ ထိုပညာရှင်မောင်နှံ (၂) ဦးအား ကျေးဇူးတင်လျက်နားဆင်ခဲ့ရပါသည်။ ထိုစပိန်တေးပြုဆရာကြီးနှစ်ဦးစလုံးမှာ ကျွန်တော်၏အသည်းစွဲပညာရှင်များ ဖြစ်ကြ၍ ဂန္ထဝင်ဂစ်တာတေးသွားများ စင်တင်ဖျော်ဖြေတင်ဆက်ပွဲကို မြတ်နိုးနားဆင်လိုသော အိပ်မက်တစ်ခုမှာ ဂီတကဝေတို့ မှော်ဝင်ဂီတ၏ ညှို့ငင်ဖမ်းစားမှုအာရုံဖြင့် ထိုညချမ်းတွင် ပြီးပြည့်စုံခြင်းသို့ရောက်ရှိခဲ့ပါသည်။ အိမ်အပြန်လမ်းတွင် အတွေးတစ်စက ရစ်ပတ်နှောင်ဖွဲ့ထားသည်မှာတော့ “ယနေ့ဂစ်တာဆိုသည်မှာ ...” 

Guitar Effect အကြောင်း

Guitar Effect ကိုစလေ့လာရင် Analog Effect အတုံးလေးတွေကို အရင်လေ့လာတာ ကောင်းပါတယ်။ သူတို့မှာ ချိန်ရမယ့် Preset တွေပါတော့ ဘယ်ဟာကိုလှည့်ရင် ဘာဖြစ်တယ်ဆိုတာ မြင်နေ ကြားနေရတယ်လေ။ တစ်ခုချင်းဝယ်ရတာဆိုတော့ ကုန်ကျစရိတ်တော့ များတယ်။ ရှိတဲ့နေရာမှာ အချိန်ပိုင်းနဲ့ သွားလေ့လာလည်း ရပါတယ်။ Digital Effect အပြားကြီးတွေကျတော့ Effect မျိုးစုံစုပြုံထည့်ထားပြီး Preset တွေကိုမြှုပ်ထားတော့ ရုတ်တရက် လေ့လာဖို့မလွယ်ပါဘူး။ အားသာချက်တွေတော့ အများကြီးရှိပါတယ်။

တူရိယာတစ်ခုကို လေ့ကျင့်တဲ့အခါ

တူရိယာတစ်ခုကို လေ့ကျင့်တဲ့အခါ "လေ့ကျင့်တယ်" ဆိုတာထက်  "ပျိုးထောင်တယ်" ဆိုတဲ့စကားကို ပိုသဘောကျတယ် ။ ဟုတ်ပါတယ် ။ ဂစ်တာလေ့ကျင့်တယ်ဆိုတာ ဂစ်တာနဲ့ ပတ်သတ်တဲ့ အလေ့အကျင့်ကောင်းတွေကို ပျိုးထောင်တာပါ ။ ဒီလိုနားလည်ထားမှလည်း လေ့ကျင့်တဲ့အချိန်တွေကို မငြီးမငွေ့ ဖြတ်သန်းနိုင်မှာပါ ။ ( ကျွန်တော်က ဂစ်တာသမားဖြစ်တဲ့အတွက် ဒီတူရိယာလေ့ကျင့်နည်းကို ဂစ်တာကို ဥပမာထားပြီး ရေးသွားပါမယ်)

  

၁ ။ မလေ့ကျင့်မီ အကြောလျော့ပေးပါ

ဂစ်တာစကျင့်တော့မယ်ဆိုရင် လက်တစ်ချောင်းလုံး (ဖြစ်နိုင်ရင်တစ်ကိုယ်လုံး) အကြောလျော့ပေးပါ ။ တချို့က မလိုအပ်ဘူးလို့ ထင်ကောင်းထင်မယ် ။ အကြောလျော့ခြင်းနဲ့ စိတ်ရဲ့relaxဟာ ခင်ဗျားကို မောင်းတင်ပေးမယ့် ခွန်အားတွေပါ ။ 

  

၂ ။ warm up အမြဲလုပ်ပါ ။ 

Fingering, chromatic scale, fingering stretching  တွေထဲက ခင်ဗျားအတွက် ပေါ့ပါးလွယ်ကူမယ့် တမျိုးမျိုးကို နာရီဝက်လောက် အရင်တီးလိုက်ပါ ။ လက်ချောင်းတွေ သွေးပူလာဖို့ ၊ လွတ်လပ်စွာလှုပ်ရှားဖို့ ၊ finger stamina ကောင်းဖို့ ၊ ဒဏ်မဖြစ်ဖို့ ... warm up မလွဲမသွေတီးရပါမယ် ။ 

  

၃ ။ Metronomeနဲ့ အမြဲကျင့်ပါ ။ 

Metronomeနဲ့ မကျင့်ခဲ့ရင်Bandနဲ့တီးတဲ့အခါ၊ Studioမှာအသံသွင်းတဲ့အခါ အဆင်မပြေမှုတွေ ဖြစ်လာပါမယ် ။ ကိုယ့်ရဲ့ tempoကို ကိုယ်သတိထားမိဖို့ ခက်ပါတယ် ။ စိတ်ကြွလာရင် tempoတက်လိုက် ၊ စိတ်မပါရင် tempo ကျလိုက် ဖြစ်တတ်ပါတယ် ။ 

  

၎ ။*very important* အနှေးဆုံးကိုတီးပါ ။

လေ့ကျင့်နေတဲ့အချိန်မှာ speedကိုခေါင်းထဲ ဝင်မလာပါစေနဲ့ ။ မလောပါနဲ့ ။ speedဟာ ဂစ်တာသမားတိုင်း တပ်မက်တဲ့ ရှိရမယ့် အရည်အချင်းဆိုပေမယ့် ... သူ့ကို အရူးအမူးနဲ့ လိုချင်ပြီးလေ့ကျင့်ပြီ ဆိုတာနဲ့  လမ်းတဝက်မှာ ပြတ်ကျန်ခဲ့ဖို့ သေချာသလောက်ရှိပြီ ။ တခါတလေ ... အနှေးဆုံးတွေကို တီးနေရင်း ခင်ဗျား ငြီးငွေ့လာမယ် ။ သေချာတယ် ။ ဒါကြောင့် ပြောခဲ့ပါတယ် ။ တူရိယာတစ်ခုကို လေ့ကျင့်တယ် ဆိုတာထက် ပျိုးထောင်နေတယ်လို့ ခံယူထားပါ ။ ဒါတွေဟာ ခင်ဗျား မလွဲမသွေ ဖြတ်ကျော်ရမယ့် လှေကားထစ်တွေပါ ။